त्यसअघि दर्लामीलाई दुईवटा स्लाइन दिइएको र तेस्रोपटक दिने क्रममा बुबा ज्ञानबहादुर दर्लामीले स्लाइनमा लेउ फेला पारेका थिए । फोहरसहितको स्लाइन फेला पारेपछि उनले त्यसबारे बिक्री कक्षका सञ्चालक र स्वास्थ्यर्मीलाई जानकारी गराउँदा कुनै वास्ता नगरेको दर्लामीले बताए । 'यस्तो कुरा बाहिर नल्याउन मलाई दबाबसमेत दिए,' उनले भने । उनले अस्पतालका स्वास्थ्यकर्मी र नर्सले दुव्र्यवहार गरेको समेत गुनासो गरे । अस्पतालले बिरामी भएका दर्लामीलाई काठमाडौं रिफर गरेको छ । उनको अवस्था झनै गम्भीर भएको छ . पटकपटक औषधि बिक्रीमा लापरबाही भएको अस्पताल व्यवस्थापन समितिले स्विकारेको  छ । 'पटकपटक गल्ती भएको छ, यसलाई हामी छानबिन गर्छाैं,' व्यवस्थापन समिति अध्यक्ष शेरबहादुर थापाले भने, 'छानबिनपछि बिक्रेतालाई कारबाही हुन्छ ।' व्यवस्थापनले औषधि पसल व्यवस्थित गर्ने भन्दै अस्पताल परिसरमै बिक्री कक्ष राखेको थियो । बिक्री कक्षका सञ्चालक जुवानन्द बेल्बासे सम्पर्कमा छैनन् । बिक्री कक्ष राख्ने सम्बन्धमा यसअघि पनि कर्मचारी र व्यवस्थापन पक्षबीच विवाद थियो  ।