'हाम्रा पालामा केटी माग्न जाँदा बसेरी गाउँ भनेपछि खालीहात र्फकनुपथ्र्यो, कतिपटक त हाम्रा छोरीबेटी बिहे गर्न आएका जन्ती बीचबाटोबाटै फर्के, कारण थियो, न मोटरबाटो न खानेपानी । अब त गाउँमा मोटर आयो, बुहारी पाइने भो ।'

गाउँमा मोटर पुगेपछि गुल्मीको दुबीचौर बसेरीका बुढापाकाको भनाइ हो यो । सदरमुकाम तम्घाससँग जोडिएर पनि मोटरबाटो पुग्न नसकेको यो गाउँमा भर्खरै मोटर पुगेपछि गाउँमा निकै खुसियाली छाएको छ । ७९ वषर्ीया विष्णु बस्नेतले भनिन्, 'मोटरबाटो आयो साह्रै हषिर्त छु, म बाँचुन्जेल यसरी आँगनमा मोटर आउला भन्ने सोचेकी पनि थिइनँ । गाउँमा मोटर पुगेपछि स्थानीयवासीले बाजागाजासहित मोटरको स्वागत गरेका थिए । स्थानीयवासीसँगै गुल्मीका सभासद् चन्द्रबहादुर थापा सागर पनि छमछमी नाचे ।