घनश्याम गौतम
घर छेउका सामुदायिक वनमा सडेर घाँस दाउराका रूपमा खेर गइरहेका बहुमूल्य जडिबुटी संरक्षण तथा व्यावसायिक प्रयोगमा ल्याउन यहाँका उपभोक्ता कस्सिएका छन् ।
पाल्पाको दोभान गाविसका उपभोक्ताले तेजपात बिक्री गरेर प्रशस्त आम्दानी गरेका छन् । त्यो देखेका यहाँका उपभोक्ताले वषौर्ंदेखि घाँस दाउराको रूपमा खेर गइरहेका बहुमूल्य जडिबुटी संरक्षणमा लागेका हुन् । जिल्लामा सोमै -सुगन्धवाल), जटामसी, विषमा, कुटकी, मजिठो, पाषण वेद, तेजपात, चिराइतो, चौतारी, सुगन्ध कोकिला, कुरिलो, टिमुर, लोकता, अमला, बेलजस्ता सयौं प्रजातिका जडिबुटी पाइन्छ । तर तिनको उपयोगिताको लागि ज्ञान नहुँदा खेर जाने गरेका छन् । जिल्ला वनले यहाँका उपभोक्तालाई जडीबुटी संरक्षणका लागि पाल्पाको दोभानमा भ्रमण गराएपछि यहाँ पनि त्यसले प्रवेश पायो ।