घटनाका प्रत्यक्षदर्शी मार्फ बुझ्दै जाँदा थापालाई लुटपाट गर्ने वामी गाविस २ निवासी बिष्णु मल्ल र रजित केसी. रहेको पिडित थापाले बताउनुभएको छ र इलाका प्रहरी कार्यालय वामीकार् इन्चार्ज प्रहरी नायव निरीक्षक गोपाल पौड्यालले पनि ती दुवैजनालाई किटानी सहित खोजी गरी पाउँ भनि पिडित थापाले उजुरी दिएको बताउनुभयो । उजुरी पश्चात आरोपित मल्ल र केंसी दुवै फरार रहेकोले उनिहरु माथि आशंका गरीएको उहाँको भनाई छ ।

उक्त दिन तमघासवाट घर फर्किदै गरेका थापालाई कोड खुल्न नसकेको ६३११ नं. को मोटरर्साईकलमा आएका मल्ल र के.सी सहित पहिचान हुन नसकेका अर्का एक व्याक्तिले रातडाँडा नजिकैको सामाचौरदेखि पछ्याउँदै वडागाउँ ५ को पेँगामा थापालाई आक्रमण गरी उहाँको साथमा रहेको एक लाख ८३ हजार ७ सय नगद रुपैयाँ र एक तोला सुनको सिक्री लुटेर फरार भएका थिए । उनीहरुले थापाको लु ९ प १२३७ नं. को मोटरर्साईकललाई समेत तोड्फोड् गरी क्षति पुर्‍याएका छन् । थापा र केसी विरुद्ध पीडित थापाले आजै जिल्ला प्रहरी कार्यालय गुल्मीमा पनि किटानी जाहेर गरी पक्राउ गरी पाउँ भनि उजुरी दिएको वुझिएको छ ।