बलात्कारको प्रयास गरेको अभियोगमा गुल्मी प्रहरीले एक २० बर्षिय युवकलाई पक्राउ गरेको छ ।
भार्से गाविस १, भैँसेबाट बलबहादुर रानालाई इलाका प्रहरी कार्यालय शान्तिपुरले पक्राउ गरेको हो । रानाले तिन साता अघि बुटवलबाट घर र्फकदै गरेकी एक युवतीलाई भार्से काफलारुखमा साँझ ७ बजे बलात्कार प्रयास गरेको प्रहरीले जनाएको छ ।
युवतीको उजुरीका आधारमा पक्राउ गरी थप अनुसन्धान शुरु गरिएको प्रहरी नायव उपरिक्षक पदमप्रसाद सुवेदीले बताए । युवकले बलत्कार प्रयास गरेको स्वीकार गरेको प्रहरीले जनाएको छ ।