पन्थी पेन्सन बुझ्नेमध्येमा हालसम्मकै जेठो नागरिक भएको बोर्डले जनाएको छ । सचिव कुवरका अनुसार नेपालमा नै यो उमेरसम्म पेन्सन बुझ्ने दोस्रो मानिस छैन ।

चार छोरा र छ छोरीबाट दुई सयभन्दा बढी सन्तान भइसकेकी वृद्धा पन्थीका छोरीपट्ट जिनाती र छोरापट्ट खिखनाती भइसकेको छोरा चुराबहादुर पन्थीले बताउनुभयो ।

भारत बेलायतको उपनिवेश भएको समयमा पहिलो विश्वयुद्धमा जर्मनसँग लड्दा इटलीमा घाइते हुनुभएका उहाँका श्रीमान् छविलाल पन्थी १९१९ मार्चमा घायल पेन्सनमा सेवा निवृत्त हुनुभएको थियो । उहाँ पेन्सनमा निस्किएपछि सन् १९१९ मा नै हाम्रो विवाह भएको हो वृद्धा कलावती अतीतलाई स्मरण गर्दै भन्नुहुन्छ, उहाँ जीवित छउन्जेल पनि मैले घाइतेसँग विवाह गरेको महसुस गर्नुपरेन ।

उमेर डाँडा काटिसके पनि कलावतीको जाँगर र साहस भने वयस्कको भन्दा कम छैन । स्थानीय रामबहादुर सारु भन्नुहुन्छ स्वास्थ्य स्थिति राम्रो भएरै होला सदरमुकामभन्दा बाह्र कोस टाढाको घरबाट उहाँ हरेक वर्ष पैदलै हिँडेर पेन्सन बुझ्न जिल्ला सदरमुकाम आउँदै हुनुहुन्छ ।

वृद्धाको पेन्सन मासिक अठार हजार रुपियाँ रहेको जनाइएको छ ।