कालीगण्डकीमा पुल होचो भएको भन्दै स्थानीय बासिन्दाले अर्को पुल माग गरेपछि सोही स्थानमै अग्लो झोलुङ्गे पुल निर्माण गरिएको थियो । अलपत्र र प्रयोग विहिन अवस्थामा रहेका यी तिन झोलुङ्गे पुल जिल्लाका उदाहरण मात्र हुन् । पछिल्ला वर्षहरूमा नयाँ झोलुङ्गे पुल थपिदैं जाने तर पुरानाको वास्ता नगरिदा अलपत्र पर्ने पुलहरूको संख्या बढ्दै छ । जिल्लाका जैसीथोक, बडागाउँ, पनाहाखोला, हस्तिचौर, मुसिकोट, ठुलोलुम्पेक, बडिघाट, रिडी खोला, कालीगण्डकी, दरमखोला लगायतका खोलाहरूमा एक दर्जन भन्दा बढी पुलहरू जिर्ण अलपत्र छन् । सहयोग एउटाले, निर्माण अर्कैले र संरक्षण छुट्टै निकायले गर्ने भएकाले जिल्लाका दर्जनौं खोलामा लाखौं खर्चेर निर्माण भएका झोलुङ्गे पुलहरू जिर्ण अलपत्र र प्रयोग विहिन भएका हुन ।
 
 नेपालमै झोलुङ्गे पुलमा दोस्रो जिल्लाको ख्याती पाएको गुल्मीमा स्वीस सरकारले उपलब्ध गराएको आर्थिक सहयोगबाट जिविस मार्फत स्थानीय सिर्जनशील सामुदायीक विकास केन्द्रले स्थानीय पुल कार्यक्रम मार्फत झोलुङ्गे पुलहरूको निर्माण गर्दै आएको छ ।
संस्थाले निर्माण गरेका पुलहरूको रेखदेख, मर्मत लगायतका काम भने जिविसले नै गर्ने गर्दछ ।कतिपय स्थानका झोलुङ्गे पुलहरूलाई सवारीका पक्की पुलहरूले र कतिपय स्थानमा एउटा पुल नजिकै अर्को झोलुङ्गे पुल निर्माण गरिएपछि पुराना पुलहरू अलपत्र र प्रयोग विहिन बनेका हुन् । झोलुङ्गे पुलको सम्भाव्यता अध्ययन, सर्वेक्षण, निर्माण लगायत काम गर्दै आएको सिर्जनशील सामुदायीक विकास केन्द्रका सब इन्जिनियर डिल्लीराज खनालका अनुसार अहिले एउटा पुल निर्माण गर्न झण्डै २० लाख खर्च हुने गर्दछ । पछिल्ला समयमा लाखौं खर्च गरेर निर्माण गरिएका पुलहरू समेत अलपत्र परेको खनालले बताए । ‘धेरै स्थानमा पुराना पुल जिर्ण प्रयोग विहिन बनेका छन्’, खनालले भने, ‘अन्यत्र प्रयोग गर्न सकिने खालका भएपनि त्यसका लागि कतैबाट पहल नहुँदा पुल जिर्ण प्रयोग विहिन बनेका हुन् ।’संस्थामा झण्डै २ सय स्थानका लागि स्थानीयले झोलुङ्गे पुल निर्माणको माग गरेका छन् ।

नयाँभावना राष्ट्रिय दैनिकबाट