घनश्याम गौतम 

नेपाली कांग्रेस महाधिवेशन प्रतिनिधि एवं कांग्रेस योद्धा फणिन्द्र भण्डारीको शुक्रवार काठमाण्डौमा भएको हत्या खबरले नेपाली कांग्रेससंगै सिंगो जिल्ला शोकमा डुबेको छ ।

नेपाली कांग्रेस जिल्ला कार्य समितिका कोषाध्यक्ष हरी न्यौपानेका अनुसार २०४६ सालदेखि नै राज्यले उनलाई जिउँदो सहिद घोषणा गरेको थियो । भण्डारी २०३६ सालको जनमत संग्रह र २०४२ सालको सत्याग्रहमा सहभागी भएको आरोपमा २३ दिन पाल्पाको जेल जिवन भोगेका थिए । जिल्लामा लोकप्रिय बनेका नेता भण्डारीका १ छोरा, १ छोरी र श्रीमति छन् । भण्डारीको काठमाण्डौ सुन्धारा स्थित स्वस्तिक होटलमा हत्या भएको थियो । शरिर निलडामैडाम भएको र तकियामा रगत लतपतिएकोले प्रहरीले हत्याको आशंकामा एक व्यक्तिलाई पक्राउ गरेको छ ।