“शान्ति सुरक्षा, उचित तलवमान र वृत्ति विकासको सुनिश्चितता, सुशासन र जनमुखी संविधान हाम्रो प्रतिवद्धता” भन्ने मुल नाराका साथ सम्पन्न अधिवेशनको निजामती कर्मचारी युनियनका केन्द्रीय सदस्य वालकृष्ण श्रेष्ठले उद्घाटन गर्नुभएको थियो । उद्घाटन समारोहमा प्रमुख अतिथि श्रेष्ठले कर्मचारीहरु आफ्नो पेशागत हकहितका लागि सशक्त रुपमा उभिन नसकेको धारणा राख्दै कर्मचारी एकतामा जोड् दिनुभएको थियो । कार्यक्रममा विशेष अतिथि नेपाली काँग्रेस गुल्मीका जिल्ला सभापति चन्द्र वहादुर के.सी, नेकपा एमालेका जिल्ला उपाध्यक्ष मधुकृष्ण पन्थ, सहायक प्रमुख जिल्ला अधिकारी जगदिशचन्द्र नेपाली, नेपाल तरुण दलका जिल्ला अध्यक्ष खिलध्वज पन्थी, शिक्षक संघका जिल्ला अध्यक्ष प्रेमनारायण भण्डारी, स्वास्थ्यकर्मी संघका केन्द्रीय प्रतिनिधी कृष्ण पन्थी, निजामति कर्मचारी सेवा निवृत मञ्चका अध्यक्ष महाशर्मा भण्डारी, स्वास्थ्यकर्मी युनियनका उपाध्यक्ष श्यामसुन्दर पोखरेल, निजामती कर्मचारी संगठनका अध्यक्ष लोकनाथ मरासिनी, पत्रकार घनश्याम गौतम लगायतले अधिवेशनमा शुभकामना मन्तव्य व्यक्त गर्नुभएको थियो ।