टोपलाल अर्याल

रेसुङ्गा हर्बल फुड एण्ड मसाला उधोग तम्घास गुल्मीले जिल्लामा नै पहिलो पल्ट हर्बल युक्त मसाला जन्य समानहरु अहिले बजारमा ल्याएको छ ।

"किसानसंगको सहकार्य हाम्रो प्रतिबद्घता" मुल नारा लिएर स्थापित यस उधोगले किसानका घर दैलोमा पुगी संकलन गरिएका सिस्नो , अदुवा, पुदिना, बेसार, टिमुर र तेजपत्ता लगाएतका सामाग्रीबाट यसरी मसाला जन्य सामानहरु उत्पादन गर्ने गरेको छ । उत्पादित ति सामानहरु प्रकृति जन्य जडिबुटिमा आधारित हर्बलयुक्त भएको र कुनै रसायनिक तत्व नमिसिएकाले उपभोक्ताको हितलाई ध्यान दिदै बजारमा ल्याएको प्रबन्ध निर्देशक प्रेम घर्ति मगरले जानकारी दिनु भयो । अहिले उत्पादित ति सामानहरु गुल्मीसंगै बुटवल, पाल्पा, अर्गाखांची, चितवन, नेपालगञ्ज, धादिङ, काठमाण्डौ लगायतका शहरहरुमा निर्यात भै रहेको सहःनिर्देशक डिबि घर्ति मगरले जानाकारी गराउनु भएको छ ।

गुल्मीको सदरमुकाम तम्घासको पुतली बजारमा उधोग र पुरानो बजारमा कार्यालय रहेको यस उधोगले बुटवल ,चितवन लगाएतका औधोगिक मेलामा आफनो प्रर्दशन समेत गरिसकेको छ । बजारमा आएका अन्य समानको तुलनामा बढि गुणस्तर युक्त भएको र मुल्य पनि समायोजन गरिएकोले बजारमा माग अधिकतम भै रहेको लेखा निर्देशक भविन्द्र घर्ति मगरले जानकारी दिनु भयो । अहिले यस उद्योगबाट ३ सय देखि ४ सय किसानहरु प्रत्यक्ष रुपमा लाभान्वित भएको उद्योगले जनाएको छ ।