पी.एम.मगर

प्रायः फोहोर देखिने अर्घाखांचीको पोखराथोक गाविस मोहर गाउंका दलित वस्ती यतिबेला सफा सुग्घर बनेको छ ।

समाजसेवा तथा वातावरण सस्कृति समुहले सौचालय बनाउन १५ हजार रुपैँया दिएपछि उपभोक्ताले गाउँमा शौचालय बनाएका हुन । गाउँमा शौचालय निर्माणको लागि रकम सँगै सरसफाई सम्बन्धी तालिम र शिक्षा दिएपछि गाउँ सफासुग्घर बनाउन उनीहरु आफै जुटेका हुन । समुहका अध्यक्ष बाबुराम पौडेलका अनुसार सफा भएपछि गाउँ अब आत्मनिर्भरका साथै घरमा आउने पाहुनालाई राम्रो अतिथि सत्कार गर्न थालेका छन । घर र गाउँ सरसरपाई भएपछि अन्य काम गर्नमा समेत चेतना अभिवृद्धि भएको पौडेलको दावी छ । पोखराथोक गाविसको ७० घर दलित वस्तीमा शौचालय बनाउन सामान, सिमेन्टसँगै १५ हजार रुपैया दिएपछि सबैका घरमा पक्की सौचालय बनेका हुन । पोखराथोक गाविसको ४, ७, ८ र ९ वडामा अधिकाश दलित वस्ती रहेको छ । सौचालय निर्माणपछि खुला दिसा मुक्त गाउँ घोषणा गरि एको छ । कसैले गाउँमा दिसा पिसाव गरे उसलाई जरिवाना समेत गर्ने स्थानीयवासीले वताएका छन् ।