गुल्मी विकास बैंकद्वारा सुरक्षण विमा
Published on
7:33:00 PM //
सीता भण्डारी
गुल्मी विकास बैंकले २ लाख रुपैयाँ सम्म ग्राहकको खातामा रहेको रकमको सुरक्षण बिमा गरेको छ ।
सदरमुकाम तम्घासमा २०६६ सालमा स्थापना भएको उक्त बैंकले आफ्ना गाह्रकहरुको निक्षेपको रुपमा प्राकृतिक व्यक्तिको नाममा बचत तथा मुद्दती खातामा जम्मा गरेको उक्त रकम सुरक्षण हुने व्यवस्था गरेको हो । रकम सुरक्षित गर्नका लागि यस्तो ब्यवस्था गरेको हो । निक्षेप तथा कर्जा सुरक्षण निगमका महाप्रवन्धक भोलाप्रसाद शर्मा अधिकारी र गुल्मी विकास बैंकका वरिष्ठ अधिकृत योगेन्द्र रायमाझी बिच कर्जा तथा सुरक्षण निगम काठमाडौमा यस्तो संझौता गरी सो व्यवस्था गुल्मी विकास बैंकले गरेको हो ।केही गरी बैंक असुरक्षित भए पनि जनताले बैंकमा राखेको २ लाख बराबरको रकम सुरक्षित हुने भएको छ । बैक तथा वित्तीय संस्थाहरुमा घटने गरेका घटनाहरुले गर्दा कुन बैंकमा रकम राख्दा सुरक्षित हुन्छ भन्ने ग्राहकहरुलाई आफ्नो पैसा सुरक्षित हुने बिश्वासको आधार तयार गरेको छ । यस बैंकले दुर्घटनामा परि ज्यान गुमाएका आफ्ना ग्राहकहरुलाई दुर्घटना विमा, जस्ता बिभिन्न सेवा सुविधाहरु प्रदान गदै आएको छ । सदरमुकाम तम्घासमा मुख्य कार्यालय रहेको गुल्मी विकास बैंकले जिल्लाका तुराङको मजुवा, वामी लगायतका ब्यापारीक केन्द्रहरुमा आफ्नो शाखा विस्तार गरेर सेवा दिँदै आएको छ भने यी दुइ शाखाबाट लघुबित्त कार्यक्रम पनि सञ्चालन गर्दै आएको छ ।
