रोजगारीको खोजीमा युवाहरु विदेशिने क्रम चलेको बेला थानपती, हर्दीनेटा, बलेटक्सारलगायत एक दर्जनभन्दा बढी गाउ विकास समितिका यूवाहरुले तराईँवाट उन्नत जातका गाई पालन गरी दुधबाट राम्रो आम्दानी गर्न लागेका हुन्। स्थानीय तहमा व्यावसायिक रुपमा पशुपालन गरी दुध उत्पादन गर्ने कार्य गुल्मीका पूर्व सांसद् कमल श्रेष्ठले शुरुवात गरेपछि हाल व्यावसायिक गाई पालन गर्ने किसानको सहकारी सस्थाको संख्या  १३ पुगिसकेको छ भने दैनिक ५ सय लिटर दुध पाल्पाको तानसेनमा विक्रिका लागि पुर्‍याउने गरिएको छ।

थानापति गाविस एक जना किसान दुई वटा गाई पालेर दुध विक्रि गरी मासिक रुपमा २५ देखी ३० हजार रुपैया आम्दानी गर्न सफल भएको वताउछन्। गुल्मी जिल्लामा व्यावसायिक रुपमा गाईपालन गर्नेहरुको संख्या एक सयभन्दा बढी पुगेको छ भने दैनिक एक हजार लिटरभन्दा वढी दुध उत्पादन हुन थालेको छ। युवाहरु व्यावसायिक पशुपालन कार्यमा संग्लन हुन थालेपछि किसानले जिल्लामा उत्पादित दुध पोखरासम्म पुर्‍याउने तयारी गरेका छन्।