घनश्याम गौतम
कुर्घा ५ का थम्मन गन्धर्वको घरमा शनिबार साँझ आगलागी हुँदा १ लाख ३० हजार रुपैंयाँ बराबरको धनमाल क्षति भएको छ ।

आगलागीको कारण नखुले पनि खाद्यान्न, कपडा, काठ, दाउरालगायत मालसामान सबै जलेर नष्ट भएको स्थानीय प्रकाश थापाले बताए । स्थानीय बासिन्दाको प्रयासमा ४ घन्टा लगाएर आगो नियन्त्रणमा लिएका थिए । आगलागीले सबै नष्ट भएपछि विपन्न समुदायका गन्धर्व परिवार समस्यामा परेका छन् ।