प्यूठानको बाखाक्वाडी गाविसको बेलुवामा लु१ज १६८६ नम्बरको जीप ब्रेक्र फेल भई दुर्घटना हुंदा पांच जनाको घटनास्थलमै मृत्यु भएको छ भने १५ जना घाइते भएका छन् । घाइते मध्ये १० को अवस्था गम्भिर रहेको छ । बरौलाबाट बिजुबार जांदै गरेको थियो ।
मृत्यु हुनेमा बिजुली ३ का लालबहादुर श्रेष्ठ, दाखाक्वाडी ३ का दुर्गा धामी, बरौलाका लाटा भनिने नाम नखुलेकाको मृत्यु भएको छ ।

घाइते हुनेहरुमा धुवाङ ३ विमला राना वर्ष ३२, शेरबहादुर राना वर्ष ३५, विजुली ३ का सरला थापा वर्ष ३०, श्रृजना खड्का, हेमन्त विक, विजुली ५ का विष्णु श्रेष्ठ, इन्द्र बोहोरा पकला १, कैलास रावत रस्पुरकोट, सरस्वता पोख्रेल माझकोट ७, राधा श्रेष्ठ विजुली ६, कल्पना नेपाली रम्दी ३, गंगा बस्नेत विजुली ३, माया नेपाली विजयनगर २ र एक जना नाम नखुलेका महिला र २ वटा अन्दाजी २ वर्षका बच्चा घाइते भएका छन् ।

घाइते मध्ये चालक क्याप्टेन भनिने हरिबहादुर शाह, सहचालक हेमन्त विक, नाम नखुलेको १ महिला र शेरबहादुर खड्कालाई जिल्ला अस्पताल विजुवारमा सामान्य उपचारपछि थप उपचारका लागि कोहरपुर रिफर गरिएको जिल्ला अस्पताल विजुवार प्यूठानले जनाएको छ ।