जनार्दन घिमिरे, गुल्मी, ४ साउन
वर्षाको कारण पहिरो जाँदा अवरुद्ध वनेको गुल्मीको रिडी रुद्रवेणी र रिडी वल्कोट सडक संचालन हुन सकेका छैनन । गुल्मीको रिडी रुद्रवेणी सडक खण्ड अन्तर्गत ग्वादी गाविस ५ स्थित साँघुरे र रिडी वल्कोड सडक खण्ड अन्तर्गत रुरु गाविस ९ स्थित सातमुरेमा सडक माथिवाट पहिरो खसेपछि बिहीवार विहानदेखि उक्त दुवै सडक अवरुद्ध वनेका हुन । बुधवार राती देखि लगातार रुपमा पानी परिरहेको कारण सडकमाथिवाट पहिरो र ढुङ्गा खस्ने क्रम नरोएिकोले बिहीवार अवरुद्ध सडक संचालन गर्न समस्या परेको ईलाका प्रहरी कार्यालय रिडीका प्रहरी निरिक्षक बिनीमादेव पौडेलले जानकारी दिएका छन् ।

फाइल तस्बिर ।

डोजरको प्रयोग विना पहिरो हटाउन संभव नभएकोले शुक्रबार अपरान्हसम्ममा अवरुद्ध सडक संचालनमा आउन सक्ने उनले वताए । सडक अवरुद्ध वनेपछि अहिले वुटवलवाट वामी टक्सारसम्म आवतजावत गर्ने यात्रु र सवारी साधनहरु विहानैदेखि रिडी र रुद्रवेणीमा अलपत्र परेका छन् ।