प्रेम सुनार
गुल्मी, भदौ १४ । मासु व्याबसायी संघ गुल्मीको आज बसेको बैठकले कुखुराको मासु प्रतिकेजी २ सय ८० रुपैया भन्दा तल बेच्नुपरे सँधै बन्द गर्न बाध्य हुने निर्णय गरेको छ । हिँजो होटल व्याबसायी र प्रशासनले पुरानै मूल्य २ सय ४० रुपैयाँ कायम गर्न दवाव दिएको भन्दै हिँजैदेखि बन्द मासु पसलका विषयमा बसेको बैठकले प्रशासनलाई जानकारी नदिई आफूहरुले मूल्य बृद्धि गरेकोमा क्षमा याचना गर्दै मूल्य भने हालै बृद्धि गरीएको कायम हुनुपर्ने माग गरेका छन् । बैठकले विगतमा चल्लाको मूल्य ५० देखि ६० रुपैयाँ सम्म हालको मूल्य ६५ देखि ७५ सम्म बृद्धि भएको त्यस्तै दानाको मूल्य विगतमा क्विण्टलको ३४ सय रहेकोमा हाल ४८ सय पुगेको त्यसैगरी ढुवानी विगतमा १ सय ४० र हाल १ सय ९० पुगेको औषधिको मूल्य तीस प्रतिशतले बृद्धि भएको, ज्यूँदो कुखुरा विगतमा कृषकले १ सय ४० देखि १ सय ५० सम्म बेच्ने गरेको हाल भने १ सय ७० देखि १ सय ८० सम्म पु¥याएको ले आफूहरु मूल्य बृद्धिगर्न बाध्य भएको मासु व्याबसयी संघ गुल्मीका अध्यक्ष खड्क श्रेष्ठले बताए ।
ती सबै हिसाव गर्दा २ सय ८० प्रतिकेजी कुखुराको मासु बेच्दा जम्मा १२ रुपैयाँ नाफा आउँछ – श्रेष्ठले भने – त्यो भन्दा कम मूल्यमा बेचे सबै व्यावसायीले पसल बन्द गरे हुने भएको छ ।
कुखुराको मासु छिमेकी जिल्लामा बुझ्दा बुटवलमा समेत २ सय ६०, पाल्पामा २ सय ६०, काठमाण्डौ, अर्घाखाँचीमा पनि त्यती नै मूल्य भउको पाईएको छ । यसै गुल्मीको बलेटक्सार बजारमा २ सय ८० र छिमेकी जिल्ला बाग्लुङ्गमा तीनसय रुपैया प्रतिकेजी बेच्ने गरेको जानकारी प्राप्त भएको छ । तम्घास ८ भुजेलखर्कका कुखुरा पालक कृषक तेज बहादुर विश्वकर्मा भन्छन्-  कुखुरा पाल्न शुरु गरकेो २ महिना नवित्दै दानाको मूल्य दोब्बर जस्तै बढ्यो । अव जिउँदो कुखुरा १ सय ६० भन्दा कममा बेच्दा नाफाको कुरा छोडौँ लगानी समेत नउठ्ने अबस्था छ ।
जिल्लाको बजार अनुगमन संयोजक समेत रहेका सहायक प्रमुख जिल्ला अधिकारी बाबुराम अर्यालले अनुमति नलिई मूल्य बृद्धि गरेकोमा सचेत गराईएको बताए । उनले भने – उद्योग वाणिज्य संघले चिनीमा ५० पैसा बृद्धि गर्दा त प्रशासनलाई सोधेर गर्दछ, तर उनीहरुले ४० रुपैयाँ ह्वात्तै बढाउँदा प्रशासनलाई जानकारी समेत दिएनन् । त्यो त दादागिरी शैलीजस्तै भयो । १८ गते सम्मका लागी मूल्य बृद्धि गर्नुपरेको समस्या बुझ्ने र अन्य स्थानको सूचना समेत प्राप्त गरेर निर्धारण गर्ने कुरा भएको छ – अर्यालले भने ।
उता व्याबसायीका अध्यक्ष श्रेष्ठले आफूहरुले गरेको कमजोरी स्विकार गरीसकेकोले तत्काल प्रशासनले अनुमति प्रदान गरे आन्दोलन फिर्ता गरीने अन्यथा अनिश्चितकालिन बन्द गर्न बाध्य हुने बताएका छन् । जिल्लामा अत्याधिक कुखुराको मासु खपत हुने गरेको छ । मासु पसल बन्द हुँदा यहाँका होटल ब्यावसाय प्रत्यक्ष प्रभावित भएका छन् । कुखुरा संगै खसीको मासु बेचिने भएकोले खसीको मासु समेत पाउन गाह्रो भएको छ ।