समुन्द्र पौडेल/रामेश्वर कार्की
धादिङ, साउन २३- भैरहवाबाट काठमाडौंतर्फ जाँदै गरेको लु१ख ७०५१ नम्बरको बस मंगलबार बिहान करिब ४ बजेको समयमा धादिङको सिम्लेमा दुर्घटना हुदाँ ११ जनाको मृत्यु भएको छ। दुर्घटनामा ३० जना घाइते भएका छन् ।
बस महादेवस्थान गाविसको सिम्लेबाट महेश खोलामा खसेको इलाका प्रहरी कार्यालय गजुरीले जनाएको छ। १० जनाको घटनास्थलमा र एक जनाको उपचारको क्रममा काठमाडौं मृत्यु भएको गजुरीका सई बिक्रम बस्नेतले बताए। मृत्यु हुनेमा २ महिला र ९ पुरुष रहेका छन्। उनीहरु सबैको सनाखत हुन सकेको छैन्।

दुर्घटनाका सबै घाइतेलाई उपचारका लागि काठमाडौं पठाइएको छ। सामान्य घाइते भएका यात्रु आफै बस चढेर काठमाडौं लागेको स्थानीय बासिन्दाले बताएका छन्।