अनिल खत्री
गुल्मी, भाद्र २६ । नेपाल टेलिकम गुल्मीबाट जडान भएका टेलिफोनहरु मध्ये टेलिफोन महशुल भुक्तानी गर्न बाँकी भई लाइन बन्द भएका ग्राहकहरुलाई १५ दिन भित्र महशुल भुक्तानी गर्नको लागी गुल्मी शाखाले अनुरोध समेत गरेको छ । ल्यान्डलाइन फोनको बक्यौता रकम नतिरेकाहरुलाइ १५ दिन भित्रमा नतिरे कालो सुचिमा राख्ने जनाएको छ । नेपाल टेलिकम दुरसंञ्चर कार्यलयले एक सुचना जारी गरी आफनो बक्यौदा रकम नतिरेकाहरुलाई १५ दिन सम्मको म्याद दिएको छ । यदि तोकिएको समयमा आएर रकम नबुझाएमा नतिर्ने ग्राहकहरुको नामावली कालो सुचिमा राखि तिन पुस्ते नामावली गोरखापत्रमा प्रकाशित गर्नुका साथै बाँकी रकम सरकारी नियम अनुसार असुलउपर गरिने नेपाल टेलिकम शाखा कार्यलय गुल्मीका प्रमुख उमनाथ पोखरेलले जानकारी दिनु भयो ।
गुल्मी जिल्लामा ल्यान्डलाइन अन्तर्गत ५ सय २० को लाइन संञ्चालनमा आएकाहरुबाट हाल बिभिन्न संघ संस्था र ब्याक्ती गरी करिब १२९ ग्राहकबाट रु ३७ लाख ३० हजार ३ सय ३० रुपैँया उठन बाँकी रहेको शाखा कार्यलय गुल्मीले जनाएको छ । त्यस्तै गुल्मी जिल्लाका बिभिन्न ग्रामीण भेगमा संञ्चालनमा रहेका, भिस्याट, मार्टस, भिएचएस फोनका ६० ग्राहकबाट करिब ३३ लाख भन्दा बढी उठन बाँकी रहेको प्रमुख उमनाथ पोखरेलले जानकारी दिनुभयो । छ महिना यता महसुल नबुझाएका मध्ये बिभिन्न संघ संस्था र ब्याक्ती गरि न्यूनतम रु. २ हजार देखि अधिकतम रु १ लाख ८९ हजार सम्म रहेको नेपाल टेलिकम शाखा कार्यलय गुल्मीको भनाइ रहेको छ ।