जनार्दन घिमिरे
गुल्मी, २६ भदौ । गुल्मीको दर्लामचौर गाविसमा एक व्यक्तिले आज विहान आफ्नै श्रीमतीको हत्या गरेका छन् । गुल्मी दर्लामचौर ९ निवासी ३५ वर्षीय चन्द्र कुमालले आज विहान घरमा आफ्नै ३० वर्षीय श्रीमती हरिकली कुमाललाई टाउकोमा मसला पिस्ने सिलौटोले हानेर हत्या गरको जिल्ला प्रहरी कार्यालय गुल्मीले जनाएको छ । सोमवार दिउसो तम्घासवाट घरमा हिडेका दुई दम्पति गएराती ईस्मा स्थित ससुराली घरमा वसेर सँगै आज विहान ९ वजेतिर आफ्नो घरमा पुगेका थिए । ठूलावावाको घरमा वसेका उनका छोराछोरीहरुले घरमा आमावावु आएको थाहापाएपछि आमालाई वोलाउन घरमा पुगेको र वोलाउँदा नवोलेपछि घरको आँटीमा गएर हेर्दा उनीहरुले आमालाई मृत अवस्थामा भेटेपछि स्थानीयवासीलाई खवर गरेको स्थानीय तोयनाथ सापकोटाले जानकारी दिनु भएको छ । श्रीमतीको हत्यागरि फरार वनेका चन्द्र कुमाललाई स्थानीयवासीले दिएको जानकारीको आधारमा आज दिउसो धनार्जी प्रहरी चौकिले हस्तिचौर गाविस अन्र्तगत छल्दीको सिर्पु स्थित एक होटलवाट पक्राउ गरेको थियो ।

घटनाको जानकारी पाएपछि थप अनुसन्धानकालागि अहिले जिल्ला प्रहरी कार्यालय गुल्मीवाट प्रहरि निरिक्षक श्रीप्रकास यादवको नेतृत्वमा प्रहरी टोली घटनास्थलमा गएको छ । कुमाल दम्पति विगत ३ वर्षदेखि सदरमुकाम तम्घास स्थित मिलनचोकमा मजदुरि गर्दै आईरहेका थिए । उनीहरुका २ छोरा र एक छोरी रहेका छन् ।