प्रेम सुनार
जिल्ला प्रशासन कार्यालय गुल्मीले नविकरण नगरी राखिएका हात हतियार अबैध हुने भन्दै तत्काल नविकरण गर्न ताकेता गरेको छ । शिकार खेलमा प्रयोजनका लागि परम्परादेखि राखिदै आएका घरेलु बन्दुकहरु नविकरण गर्न प्रशासनले ताकेता गरेको हो । अवैध हातहतियार खजना नविकरण गर्न ढिला भए पनि नविकरण गरिने छ अन्यथा नियम कानुन अनुसार कार्बाही हुने प्रमुख जिल्ला अधिकारी कविन्द्र नेपालले बताए । द्धन्द्धकाल पछि धेरैले हात हतियार नविकरण नगरेको पाईएपछि यसरी सुचित गरिएको उनको भनाई छ । उनका अनुसार जिल्लामा त्यस्ता हतियार के कति दर्ता भएका छन् त्यसको एकिन डाटा छैन ।