कार्यक्रमको अर्को चरणमा निबर्तमान कार्यसमितिका पदाधिकारीको बिगतको योगदानको कदर गर्दै कदर पत्र, खादा तथा ट्रफीले सम्मान गरिएको थियो तथा अन्य  बिशेष सहयोगीहरु बालजंग अर्याल फत्त थापा, चक्र बहादुर राना, पशुपति भण्डारी एबम प्रेम गुरुंगलाई समेत सम्मान गरिएको थियो | सोहि क्रममा समाज मार्फत जिल्लामा प्रकाश गौतम प्रज्ञा पुरस्कारको रुपमा शैक्षिक छात्रवृति प्रदान गर्दै आउनुभएका सल्लाहकार सुरेश गौतम तथा स्वर्गीय आमा नर्मदा सापकोटाको सम्झनार्थ अर्को छात्रवृति स्थापना गर्ने घोषणा गर्नुभएका कार्यसमिति सदस्य राम प्रसाद सापकोटालाई सम्मान गरिएको थियो | सोहि अबसरमै शैक्षिक क्षेत्रमा प्रगति गर्ने नवयुवा युवती तथा नया आजीवन सदस्यहरुलाई समेत सम्मान गरिएको थियो | सम्मानकै क्रममा, गुल्मीको रेसुंगा बहुमुखी क्याम्पस एबम देवीस्थान स्कुल हस्तिचौरलाई सहयोग गर्ने चन्दादातालाई पनि सम्मान गरिएको थियो | उपर्युक्त कार्यक्रमको संचालनमा फडिन्द्र भट्टराईले सघाउनुभएको थियो|

कार्यक्रमको अन्त्य तिर मन्तव्यको क्रममा प्रमुख अतिथि तेज बहादुर क्षेत्री,  एन आर एन युकेका अध्यक्ष्य कुल आचार्य, एन आर एन युकेका उपाध्यक्ष्य महेन्द्र कंडेल लगायत सबैले गुल्मी जिल्ला समाज युकेको सेवा मुखी कार्य सबै देशबासीलाई उदाहरणिय रहेको र आगामी दिनमा प्रगति उन्मुख शुभकामना दिनुभएको थियो | संस्थापक अध्यक्ष्य ओम थापाले संस्थाको हालसम्मको सेवामुखी कार्य गौरब गर्न योग्य रहेको बताउँदै नँया कार्य समितिको पूर्ण सफलता र आफ्नो प्रतिबद्धता जाहेर गर्नुभयो | नेपालबाट आउनुभएका अतिथि बिष्णु भण्डारीले समेत सो अवसरमा बोल्नु भएको थियो | औपचारिक कार्यक्रम समापन गर्दै अध्यक्ष्य अर्जुन गौतमले गुल्मी जिल्ला समाज युकेको गरिमा दिन प्रतिदिन बढ्दै जानुको कारक  यसको सेवामुलक उदेस्य तथा सबै मित्रहरुको निस्वार्थ समाजप्रतिको समर्पण नै रहेको बताउँदै स्मारिकाको प्रकाशनार्थ अहोरात्र खट्ने तथा लेख रचना उपलब्ध गराउने सबैमा धन्यवाद ज्ञापन गर्नुभयो| साथै उहाँले यस BBQ कार्यक्रमको संयोजन गर्नुहुने बिर बलाल लगाएत सबै कार्यसमति तथा  सल्लाहकारहरुलाई बिशेष धन्यवाद टक्र्याउनुभयो |  

औपचारिक कार्यक्रमको अन्त्य पछि संस्कृतिक कार्यक्रम अन्तर्गत विभिन्न नाचगानहरु  प्रस्तुत गरिएको थियो जसको संयोजन सदस्य रुद्र थापा तथा मंजु खरेल ले गर्नु भएको थियो|  कार्यक्रममा कार्य समितिका राजन खरेल, अशोक थापा,  गंगा राना, कृष्ण खरेल, टिका थापा,  मति पुनले समेत बिशेष भूमिका निभाउनु भएको थियो | खानपिन नाचगान खेलकुद लगाएत बिबिध संस्कृतिक तथा मनोरंजनलेभरिपुर्ण उक्त कार्यक्रममा युकेका विभिन्न क्षेत्रमा रहेका गुल्मेलीहरुको बृहत सहभागिता थियो|  साउथ इस्ट लण्डन लगाएत विभिन्न क्षेत्रबाट कोच रिजर्भ गरि आएका सहभागीहरु उल्लासमय वातावरणमा रमिरहेका देखिन्थे ।
कतै गुल्मेली झ्याउरे,  सालैजो डम्फु मादलमा घन्किरहेको, कतै महिलाहरु तिज गीतमा नाचिरहेका,  कतै खैँजडी मजुरामा भजन चुटका त कतै नौमती पन्चे बाजाको गुञ्जायमान स्वर सुनिरहँदा सहभागीहरु गुल्मीको कुनै सांस्कृतिक मेलामा रमिरहेको अनुभूति गरिरहेका थिए | बिशेष आकर्षणको रुपमा रहेको भलिबल प्रतियोगितामा लण्डनको टिम रुद्रावती प्रथम स्थान हासिल गरेको थियो |   यसका अलावा स्थानीय भेटघाट रेस्टुरेन्टले उपलब्ध गराएको BBQ  तथा अन्य  परिकारको रस्वस्वादनले  थप आनन्द दिएको थियो | देशको कला संस्कृति बिशिष्ठ रुपमा झल्किने उक्त कार्यक्रममा मौसमले राम्रो साथ दिएको थियो| कार्यक्रममा ७०० भन्दा बढीको उपस्थिति रहेको कोषाध्यक्ष टोप पल्लीले जानकारी दिनुभयो|
भिडियो हेर्न तल क्लिक गर्नुहोला ।