जनार्दन घिमिरे

गुल्मी, ११ कात्तिक । जिल्ला प्रहरी कार्यालय गुल्मीले आज जोहाङ्ग खैरेनीवाट नेकपा माओवादीका एक कार्यकर्तालाई पक्राउ गरेको छ । यसरी पक्राउ पर्नेमा नेकपा माओवादी राज्य समिति सचिवालय सदश्य रामचन्द्र न्यौपाने रहेका छन् ।

उनलाई जोहाङ्गको खैरेनी वजारवाट पक्राउ गरिएको जिल्ला प्रहरी कार्यालय गुल्मीका प्रहरी नायव उपरिक्षक राजकुमार लम्सालले जानकारी दिनु भएको छ । उनले हिजो आईतवार नेकपा एमाले गुल्मी क्षेत्र नम्वर १ कि संविधान सभा सदश्य उम्मेदवार मैना भण्डारीको घरमा कालो झण्डा गाडेको र समाजमा अशान्ति फैलाएको प्रहरीको आरोप छ ।

पक्राउ परेका न्यौपानेलाई अहिले जिल्ला प्रहरी कार्यालय गुल्मीमा राखिएको छ । घटनाको विरोध गदै नेकपा माओवादी गुल्मीले विज्ञप्ती जारी गरि पक्राउ परेका आफ्ना कार्यकर्तालाई तुरुन्त रिहाईको माग गरेको छ ।