अस्पताल स्रोतका अनुसार अपरान्ह १२ बजेर ५ मिनेटमा उनको निधन भएको हो । 

दुई नाबालक छोरी र एक अपाङ्ग छोराका पिता वाग्लेले १३ महिना राजीव गान्धी अस्पताल बसेर २२ पटक किमो दिँदा पनि स्वास्थ्य सुधार नभए पछि उनलाई थप उपचारको लागि अमेरिका वा क्यानडाको लागि रिफर गरिएको थियो । डेढ लाख डलर पर्ने उपचार खर्च जुटाउन नसकेपछि उनी काठमाडौ फर्किएका थिए । उनलाई आर्थिक सहयोग जुटाउन स्वदेश र विदेशमा बसेका नेपालीले ठुलो अभियान नै चलाएका थिए । उनको सहयोगार्थ बैकमा करिब २० लाख जुटिसकेको थियो ।