-कल्पना पौडेल "जिज्ञासु"
अझै कती राँगा-खसी यो दशैमा मर्ने होलान
मानब रुपी दानबले आफ्नो पेट भर्ने होलान

मासुको बिलो लाँउदा हाना लुछी गर्दै राक्षस
रक्सीको सितन बनाई मोज्मस्ती गर्ने होलान

कालीलाई खुशी पार्न बली दिनु पर्छ भन्दै
मैले ढाल्छु भनी पापी अघी अघी सर्ने होलान

सधैं सँगै चर्ने साथी अचानक हराउँदा
खर्बारिमा राँगा बोका रुँदै कठै चर्ने होलान

चाडपर्बको निँहु पारी प्राणीहरुको हत्या गर्दा
सृस्‍टि रच्ने प्राण दाता तीन छक पर्ने होलान

गैडाकोट-४, नवलपरासी
 हाल: इजरायल