गुल्मी, २५ पुस । नेपाली कांग्रेसका उपसभापति भुवन प्रसाद श्रेष्ठले पत्रकारलाई गाली बेईज्जती गरेका भन्दै बुधबार नेपाल पत्रकार महासघं गुल्मी शाखाले निकालेको प्रेस बिज्ञप्ती प्रति नेपाली काग्रेस गुल्मीले आफ्नो ध्यानाकर्षण भएको जनाएको छ । 

 बिहीबार नेपाली काग्रेस गुल्मीका सचिव छन्द बहादुर पहराई द्धारा हस्ताक्षेरित बिज्ञप्तीमा ब्यक्तिगत भलाकुसारीलाई अतिरञ्जित गरि पत्रकार महासंघले पत्रकारीतालाई राजनितीक पुर्वाग्रह नबनाउन आग्रह गरिएको छ । साथै बिज्ञप्तीमा नेपाली काग्रेसले पत्रकारिता पेशालाई सधैव सम्मान गर्ने समेत उल्लेख गरिएको छ । 

बुधबार काँग्रेका उपसभापति भुवन प्रसाद श्रेष्ठले पत्रकारहरुलाई ‘पत्रकारका गँडियाहरु तिमीहरुले सबै कुरा खोतल्न मिल्छ, विगतदेखि के गर्ने खोजेको होस, ख्याल गर ’ भनेर धम्क्याएपछि पत्रकार महासंघले विज्ञप्ती निकालेर आपत्ति जनाएको थियो ।   सदरमुकाम तम्घासमा रहेको महेन्द्र उच्च माध्यामिक विद्यालयमा १२ जना विद्यार्थीलाई यस वर्षको एसएलसी परिक्षामा सहभागी हुन नदिएको विषयमा जानकारी माग्दा  उहांले पत्रकारहरुलाई अपशब्द प्रयोग गर्नुभएको महासंघले जानएको छ ।